നന്ദി തിരുവോണമേ നന്ദി നീ വന്നുവല്ലോ !       

വീണ്ടുമൊരോണക്കാലമോടിയെത്തുന്നു,

ഓര്‍മ്മയുള്ളകാലത്തോളമീമലയാളീയുടെ,

ഓര്‍മ്മകളിലെങ്കിലും തിരുവോണമെത്തും,

ഓണവില്ലുമോണനിലാവുംമോര്‍മ്മ

പൂവുകളാര്‍ക്കുമോണപ്പൂക്കളങ്ങളും,

വീണ്ടുമൊരു പൂവിളിയുയരുകയായി

ഇക്കുറിയോണമെത്തുമ്പോളാശിക്കാം

ഇനിയും വരട്ടെയാ  നല്ലകാലം

മാവേലി നാടുവാണോരാ നല്ലകാലം ,

മാലിന്യങ്ങള്‍  വലിച്ചെറിയാത്ത കാലം,

മാലിനമാക്കാത്ത  പച്ചക്കറിയുംപൂക്കളും

വെള്ളവും വായുവും മണ്ണുമാകാശവും

മലിനമാകാത്ത മനസും ശരീരവുമുള്ള,

നന്മ നിറഞ്ഞോരാവൊരോണക്കാലം;

ഇനിയുമെത്ര കാത്തിരിക്കണമെത്ര-

കാത്തിരുന്നാലുമെത്തുന്നതാ നല്ലകാലമല്ലേ,

നമുക്കും കാത്തിരിക്കാം

ഏവര്‍ക്കും  ഹൃദ്യമായ തിരുവോണം 

ആശംസിക്കുന്നു,

"Remembrance is neither what happened nor what did not happen but, rather, their potential to  become possible once again.”